Dagens Vespa (VIII)

Dagens Vespa finn du på Piaggio-museet i Pontedera, Toscana. Det er ein Vespa 1946-modell. Mange ting var forskjellig frå dagens modellar, men kjerna er den same. Måtte vi alle sjå like bra ut som 65-åring.

Dagens Vespa (VII)

Dagens Vespa er ein Vespa Si, som var broren til Vespa Bravo. Dette var min første moped. Ein 1981 modell kjøpt på HELALA omtrent samstundes som salige Trond Ellingsen kjøpte sin Vespa Bravo. Min var sølvgrå, Trond sin kvit. Prisen var rett under 4 000 den gongen, eller ca 11 300 i 2010-kroner. Den på bildet er elles kjent for at den kan koplast frå, og så kan du sykle til bensinstasjonen for å fylle tanken. Knappen du trykk inn er rett ved sida av bakhjulet. Elles startar du han med å sykle han i gang, men då må du ta ut frikoplingsknappen igjen, elles blir du berre sittande å sykle. Artig moped dette..minner meg om Trond Ellingsen. Trist å dø så alt for tidleg.

Quo vadis - kor går vi?

For eit par veker sidan reiste eg med hurtigruta over til Svolvær frå Bodø. På vegen over Vestfjorden fann vi desse to regnbogane. Som alle veit er det gull ved enden av dei. Kanskje det er dette dei som vil leite etter olje i Lofoten vil ha? Meir gull. Som Onkel Skrue. Bade i bingen, mens resten av Europa blør.

Det er vel typisk at vi befinn oss ved enden av begge regnbogane. Vi kan bade saman med Onkel Skrue kvar dag, utan at det gjør oss meir lukkelege. Det er langt unna finanskrisas Italia og Hellas, Portugal, Spania og Irland, Island og Storbritannia.

Det er liten tvil om at vi er fødd med gullhår i ræva og sølvskjei i munnen. Like ved to regnbogar. Kanskje skal vi tenke på det no før julehandelen tar laus og kjøpefesten held fram? Kanskje er det på tide å stoppe opp for å spørje kor kursen går i dette verdas rikaste land, med den mest misnøgde, piss-sure sutregjengen nord for ekvator i opposisjon. Kor går vi, spør eg? Quo vadis, som dei gamle romarane sa det?

Som vi ser av bildet finn vi slett ikkje gullet der vi trur det finst. Ikkje eit gram. Det heile er ein optisk illusjon. Der ute i havet finst berre den blå evigheita.

Dagens Vespa (VI)

Dagens Vespa-himmel er frå Livorno der det var vespamesse i september. Den orange skjønnheita kunne du få for 8000 Euro og var frå først på 70-talet. Under finn du mekka for dei som leitar etter vespadelar. Ei skuffe for kvart tiår. Delar til alt, absolutt alt av det du treng til din vespa..
Lekkert?

Mannen er kanskje borte, men krisa er det ikkje

For 4,5 mill Euro kan du få kjøpt ein halvferdig havgåande båt til bruk i arktiske farvatn. Han står på beddingen i Livorno i Italia som eit rustraudt symbol på krisa med stor K.

Det er desverre ikkje berre den politiske krisa i Italia som er djup. Den økonomiske er minst like ille. Her symbolisert med det useljelege fartøyet på land. Forlatt og aleina, ubrukeleg og til inga nytte. Verftet her ute i hamna i Italias nest største hamneby symboliserer at ikkje alt er like bra. Dei uvirksomme kranane likeså. Inne i containerhamna har ein nettopp mista leveransar frå Toyota i Japan til ein verdi på mange millionar. Truleg er det ikkje like stor fart i cruice-trafikken i dag som før heller. Dermed mistar ein gode inntekter også her.

Om Italia blir kvitt Berlusconi i neste veka er det med andre ord masse å gripe fatt i for den som tør ta over. Han (for det blir sikkert ein han) får eit svare strev med å få fart i seila, eller først og fremst handlar det nok om å få båten på havet. Få båten til å flyte. Då er det godt at fyret i hamna i Livorno kan lyse opp og vise kor leia går. Det vil nestemann ut trenge, for krisa er langt frå over sjølv om mannen er borte.

Vakker viadukt - sovjetiske krigsfangar

Ute ved Bø på Engeløya i Steigen ligg det enorme festningsanlegget "Batteri Dietl". Her har Salten Museum sitt avdelingsmuseum som syner det svære anlegget som skulle hindre alliert landgang i Ofoten i tida 1941-1945. På veg ut mot anlegget finn du denne vakre viadukten som dei sovjetiske krigsfangane bygde. Vakkert handverk må ein seie. Skår i gleda er det derimot at over 500 av dei sovjetiske statsborgarane døydde på Engeløya. Viadukten på Bø i Steigen er eit flott minne over desse døde.

Dagens Vespa (V)

Denne lekre Vespaen som blir brukt som blomsterkasse, finn du i Livorno. Toscanas perle ved kysten i vest.